Interview

ZIOK Media Tanute leh Glenpool Zomi-te

A beisa June 10, 2015 ni a ZIOK Media tanu te hanciamna tawh Glenpool Area Zomi te Interview bawlna a ni 5 na nuamtak na zothei ungh.

Hisungah ZIOK Media tanu lampan thudotna ongneihsak pen Lia Khawmnu hi-in Video Camera Pa Sawm Lian, Photo Pa Go Gin a hi hi.

Tuni pen inn 8 nazo thei ungh. hibanga ZIOK kipawlna maban lianpi khat i zoptheih nadinga a gim a tawl ZIOK Media tanu teng leh innteek Glenpool Area Zomi teng tungah lungdamna lian mahmah hi.

Glenpool Area Zomi te sungah Interview bawlna a kipatni a kipan tuniciang innvakna khempeuh ah deihsakna itna tawh nektheih tuamtuam nongpiak manun lungdam mahmah ungh. a zomah interview vai tawh kisai a kisambanga ong vanpih sianu San Kim tungah zong lungdam mahmah ungh.

A sawtlo in Glenpool Area Zomi te interview na kizo/ kihialbawl theita ding hi. tua teng kazawh khit uhciang a video khahkhiat kong kipan ta ding uh hi. Glenpool Area teng ka manciangun Jenks Area Zomi te, Tulsa khuapi sung Zomi te cihbangin a banban in kongzomtoto ding uh hi. Zomi te hizahtak a thupha ongpia i biak Pasian minthang tawntung tahen!

Glenpool Zomi Town ah ZIOK Media interview bawlna

Zomi Innkuan Oklahoma ( ZIOK Media ) min tawh Zomi Town, Glenpool Area Zomi inn nei te holimpihna tuni in kipan ta hi. Glenpool Area Zomi, Jenks Area Zomi, Tulsa Area Zomi, cihbangin a banbanin ong paitoto ding hi. Video Camera pen ZIOK Media tanu khat a hi Pu Suanpu ongzaih hi-in nasia mahmah hi.

Tuni pen a kipatni a hihmanin Glenpool Area sungah Zomi inn 40 kim in inn a neihtheih nadinga itna leh deihsakna tawh pan onglakpih leh a kisam banga a huh, lam onglak Sianu San Kim kiangpan in holimna a kipan a hihi. a mahbanga minam a it a deihsak a vei Zomi numei sungah i neihkhak manin lungdam leh i angtang mahmah hi. mailamah i biak Pasian in a mau innkuan Pasian gam leh minam a ding ma apang zo tawntung dingin a thupha namcin tawh ong phungvuhsak tahen!

Zomi tampi omna Glenpool ah interview bawlna

Glenpool Area Zomi te ZIOK Media min tawh Interview bawlna Day 2 Photos pawlkhat kiallap dingin ongkhakpak ungh. tuni inn 4 na zothei ungh. mailamah a banban in ong hanciam toto ding hi ungh. kuamah ong ki halhsiah/ ong ki nusia loding hi. Offday neihdan zui in Appointment la a a ki vak a hihi. Zomi te hizah taka thupha ongpia i biak Psian minthang tawntung tahen!

Glenpool Area Zomi te Interview (Day 4)

A beisa June 6, 2015 ( Saturday ) ni a ZIOK Media min tawh Glenpool Area Zomi te holimna photos pawlkhat kiallappak dingin ongkhak ungh. Hihsungah ZIOK Media lampan Lia Muan Cing in Interview/thudotna ongneihsak a, Pa Laizom Kampu in Video ongzaihsak in, Pa Go Gin @ Ginpi in Photo ongzaihsak hi. hih ni pen inn 9 na zothei ungh.

Hibang a ZIOK kipawlna maban khat i zoptheih nadinga a gim a tawl ZIOK Media tanu teng leh Glenpool Zomi innteek khempeuh tungah lungdam mahmah hicih ZIOK kipawlna min tawhlungdamthu kongpuak uh hi. mailam ah hunlem neihdanin a ban ongzomto zel nnung ei. Zomi te hizah taka ong lamto i biak Pasian mintahng tawntung tahen!

Interview mankhitciangin Pa Khaitawng te innkuan in ZIOK Media teng nitakan lim mahmah, bawngsa, bawng sungkua, sakhi sa tawh an ongvak uh a hihmanin ka tai mahmah uh hi. hibanga minam vai nasem te itna tawh ankuang onglui Pa Khaitawng te innkuan tungah kalungdamna uh lianmahmah hi. i biak pasian in a thupha namcin tawh ong thuhsak tahen.

Glenpool Area Zomi te Interview

Zomi Innkuan Oklahoma ( ZIOK ) Media min tawh Glenpool Area Zomi te Interview bawlna a ni 3 na photos te kiallap dingin ongkhak pak ungh. hihsungah thudotna ong neihsak ZIOK Media tanu lia Haunu leh, Tg. Tuangpu hi. hibanga masuan lianpi i zoptheih nadinga manlah kawmkal, hun hawmthawh kawmkal ah hun ongpia ZIOK Media tanu teng leh Glenpool Zomi Innteek khempeuh tungah lungdamna lianmahmah cih lungdamthu kongpuak uh hi. mailamah offday neihdan zui in Appoinment la in maban kongzomto zel ding uh hi. Zomi te hizahtaka thupha ongpia i Biak Pasian min thang tawntung tahen!